Viva l’A e po bon

La galina con do’ teste
mi la go vista svolazar
sora i copi de Trieste
l’alabarda sventolar.
 

Qua se magna, qua se bevi
qua se vivi in abondanza
pasta e ceci no ne manca
e viva l’A e po’ bon…

E viva l’A e po’ bon
xe el vecio moto triestin
che l’A vadi ben, che l’A vadi mal,
sempre alegri, mai pasion
viva l’A e po’ bon.

Gavevo un porco
el me xe crepà
ohi che pecà, ohi che pecà
lo incoconavo, per farlo bel
ma coi salami el xe svolado in ciel
E viva la e po’ bon…

Gavevo una mula
la me xe scampà
ohi che pecà, ohi che pecà
la cocolavo, ma sul piu bel
la xe svolada via come un stornel
E viva l’A e po bon…